Barleti Institute for Research and Development, BIRD mori pjesë në trajnimin ndërkombëtar të organizuar nga programi Interreg IPA South Adriatic, i zhvilluar më 11–12 mars 2026 në Bari, Itali.
Institucioni u përfaqësua nga anetaret e projekteve EVOLVE dhe Territory, duke dëshmuar angazhimin e tij të vazhdueshëm në forcimin e kapaciteteve për kërkim të aplikuar, inovacion dhe bashkëpunim ndërkufitar.
Ky trajnim intensiv kontribuoi drejtpërdrejt në:
- Rritjen e kapaciteteve institucionale për menaxhimin dhe implementimin e projekteve ndërkombëtare
- Përmirësimin e cilësisë së raportimit dhe përputhshmërisë financiare
- Forcimin e qasjeve strategjike në komunikimin e rezultateve
- Adoptimin e mjeteve inovative, përfshirë përdorimin e inteligjencës artificiale në komunikim
Përmes sesioneve plenare dhe ushtrimeve praktike, pjesëmarrësit thelluan njohuritë mbi implementimin e projekteve, procedurat e prokurimit, raportimin financiar dhe ndërtimin e narrativave efektive për projektet.
Veçanërisht, fokusi në storytelling, përmbajtje digjitale dhe AI për komunikim projektesh përforcon aftësinë e BIRD për të rritur dukshmërinë dhe ndikimin e iniciativave të tij në nivel rajonal dhe evropian.
Pjesëmarrja në këtë trajnim përfaqëson një hap konkret drejt konsolidimit të rolit të BIRD si një aktor aktiv në ekosistemin e inovacionit dhe bashkëpunimit ndërkombëtar.
